माझी लाडकी बहीण योजना ही महाराष्ट्र सरकारने सुरू केलेली एक खास योजना आहे. या योजनेमुळे गरजूंना म्हणजेच गरीब महिलांना दर महिन्याला ₹1500 रुपये आर्थिक मदत मिळते. यामुळे महिलांना घरखर्च चालवायला आणि आपली स्वतःची गरज पूर्ण करायला मदत होते.
एप्रिल महिन्यात महिलांना दहावा हफ्ता (१० वा हफ्ता) मिळाला होता. आता मे महिन्यात अकरावा हफ्ता (११ वा हफ्ता) देण्यात येणार आहे. २४ मे २०२५ पासून ह्या योजनेचे पैसे महिलांच्या बँक खात्यात जमा होणार आहेत.
आतापर्यंत किती महिलांना फायदा झाला?
आतापर्यंत जवळपास २ कोटी ४७ लाख महिलांना ₹१५,००० रुपये मिळाले आहेत. या महिलांना १० वेळा पैसे मिळाले आहेत. आता ११ व्या वेळेस म्हणजे ११ वा हफ्ता दिला जाणार आहे.
११ वा हफ्ता कसा मिळेल?
हा हफ्ता २ टप्प्यांमध्ये दिला जाणार आहे. म्हणजे सर्व महिलांना एकाच दिवशी पैसे मिळणार नाहीत. काहींना २४ तारखेला मिळतील, तर काहींना नंतरच्या दिवशी.
पण यासाठी काही अटी पूर्ण कराव्या लागतात:
- महिलांचे बँक खाते आधार कार्डशी लिंक असावे.
- खात्यात DBT (Direct Benefit Transfer) सुरू असणे गरजेचे आहे. म्हणजे सरकार थेट बँकेत पैसे पाठवते.
कोणाला किती पैसे मिळणार?
महिला व बाल विकास मंत्री अदिती तटकरे यांनी सांगितले की:
- काही महिलांना फक्त ₹५०० मिळतील. कारण त्या महिलांना आधीच ‘नमो शेतकरी योजना’ मधून ₹१००० मिळाले आहेत.
- काही महिलांना एप्रिलमध्ये पैसे मिळाले नव्हते, त्यांना मे महिन्यात ₹३००० रुपये मिळणार आहेत.
पण यासाठी त्या महिलांनी सर्व अटी पूर्ण केलेल्या असाव्यात.
पात्रता कोणासाठी?
ही योजना मिळवण्यासाठी खालील अटी महत्त्वाच्या आहेत:
- महिला महाराष्ट्रची कायमची रहिवासी असावी.
- वय २१ ते ६५ वर्षांदरम्यान असावे.
- महिला आयकर भरत नसलेल्या कुटुंबातून असावी.
- कुटुंबाचे वार्षिक उत्पन्न ₹२.५० लाखांपेक्षा कमी असावे.
- कुटुंबाकडे ट्रॅक्टर वगळता इतर चारचाकी गाडी नसावी.
- बँक खाते आधारशी लिंक असावे.
- महिला संजय गांधी योजना किंवा इंदिरा गांधी पेंशन यांचा लाभ घेत नसावा.
लाभार्थी यादी कशी पाहायची?
११ व्या हफ्त्याची यादी सरकारने जाहीर केली आहे. ही यादी ऑनलाइन आणि ऑफलाइन दोन्ही प्रकारे पाहता येते.
यादी पाहण्यासाठी:
- आपल्या नगर परिषद किंवा महानगरपालिकेच्या वेबसाइट ला भेट द्या.
- “माझी लाडकी बहिण योजना यादी” हा पर्याय निवडा.
- आपले गाव, वॉर्ड किंवा ब्लॉक निवडा.
- “View List” वर क्लिक करा आणि PDF डाउनलोड करा.
- यादीत आपले नाव शोधा.
अर्ज मंजूर झाला का हे कसे तपासायचे?
सुमारे ५ लाख महिलांचे अर्ज सरकारने नाकारले आहेत. आपला अर्ज मंजूर झाला आहे की नाही, हे खालील प्रकारे बघू शकता:
- योजनेची अधिकृत वेबसाइट उघडा.
- “अर्जदार लॉगिन” वर क्लिक करा.
- आपला मोबाईल नंबर व पासवर्ड टाका.
- “Application made earlier” वर क्लिक करा.
- “₹” चिन्हावर क्लिक करा आणि आपले हफ्त्याचे स्टेटस बघा.
तुमचं नाव यादीत नसेल किंवा पैसे आले नाहीत, तर चिंता करू नका. तुमचा अर्ज योग्य असेल, तर पुढच्या हफ्त्यात नक्की पैसे मिळतील.